Haqqımızda

"SƏRİN ŞİRKƏTİ" MMC

"Sərin Şirkəti" MMC 1989-cu il yanvarın 13-də yaradılmışdır. Şirkətin əsas fəaliyyəti ictimai işlər və turizm xidmətindən ibarətdir. Hal-hazırda “Sərin Şirkəti” MMC-nin “Astoria Bakı” Oteli, “Astoria Bakı” Fitnes və SPA Mərkəzi, “Sərin” şadlıq sarayı, “Muğam ocağı” restoranı fəaliyyət göstərir.
Qədim Şərq və Avropa memarlıq üslubunu özündə birləşdirən “Astoria Bakı” oteli 2000-ci ildən başlayaraq Bakı sakinlərinin və şəhərimizin qonaqlarının xidmətindədir. Öz qeyri-adi memarlıq üslubu ilə fərqlənən “Astoria Bakı” oteli sizləri hər zaman qarşılamağa hazırdır. Yüksək keyfiyyətli xidmət və əla mətbəx, qonaqpərvərlik və istirahətin müxtəlifliyi bu oteldə vəhid bir yerə cəmlənib.
“Astoria Bakı” oteli müasir stildə qurulmuş, WTO-nun (World Trade Organization) dördulduzlu otel üçün qoyduğu tələblərə uyğun olan 100 nömrədən ibarətdir. Otaqlarda çoxkanallı TV, telefon, mərkəzləşdirilmiş isitmə və soyutma sistemi ilə təmizliyi və rahatlığı bir yerdə tapacaqsınız. Otelimizdə standart və deluxe tipli otaqlardan əlavə müasir interyeri və rahatlığı ilə seçilən 17 kottec də vardır. Zərif üslubda tikilən kotteclərimiz rahatlığa və sakitliyə üstünlük verən müştərilərimiz üçün nəzərdə tutulub. Onların tələbkar zövqlərini və şəxsi üstünlüklərini təmin etmək üçün istifadələrinə əsaslı surətdə tikilmiş kotteclər verilib.
Ancaq bizim otelin, onu Bakı şəhərinin başqa otellərdən fərqləndirən bir özünəməxsusluğu da var, bu da, unikal idman-sağlamlıq və SPA mərkəzidir.
2006-cı ildən müasirlik, peşəkarlıq və keyfiyyəti əsas hədəf edərək xidmət sahəsində olan yenilikləri çox yüksək şəkildə tətbiq edərək, operativliyi, dəqiqliyi, səmimiliyi özünün əsas iş meyarı edən “Astoria Baku” Fitnes & SPA Mərkəzi ətraflı düşünülmüş interyeri ilə seçilir, gigiyena qaydalarına ciddi şəkildə riayət edilir. Mərkəzimizdə, sağlam həyat tərzinə üstünlük verənlərə, fiziki məşqlərlə məşğul olmaqla yanaşı, istirahət edib müxtəlif dünyanın aparıcı şirkətləri tərəfindən istehsal olunan idman qidaları, fito-çaylar və təzə sıxılmış şirələr təqdim olunur. Üzgüçülüklə məşğul olmaq istəyənlər üçün də hər bir şərait yaradılmışdır. Ən tələbkar zövqləri qane edəcək geniş və rahat hovuzumuz daima sərəncamınızdadır. Hovuzların suyu müntəzəm olaraq təmizlənir və dezinfeksiya edilir. Mərkəzimiz sağlamlığın qeydinə qalanlar üçün mükəmməl bir yerdir. Mərkəzin girişində isə “Astoria Cafe” hər gün saat 09:00-dan – 22:00-adək qəlyanaltılar, biznes lanç, müxtəlif salat növləri, şorbalar, burgerlər, sendviçlər, isti yeməklər, pizzalar, alkoqolsuz içkilər, təzə sıxılmış meyvə şirələri, çay və qəhvə çeşidləri ilə sizin xidmətinizdədir.
500 nəfərlik təmtəraqlı, zəngin və yaraşıqlı dizaynı ilə “Sərin” şadlıq evi həmişə toy, banket, konsert şənliklərinin keçirildiyi populyar bir məkan kimi tanınır. “Sərin” şadlıq evinin səhnəsindən nəinki Azərbaycanın, eləcə də dünyanın məşhur ulduzları gözəl proqramları ilə daima çıxış edirlər. Bu konsertlərin, təqdimat mərasimlərinin daha rəngarəng, maraqlı və yaddaqalan olması üçün “Sərin” şadlıq evi ən son texnologiyalardan istifadə edir. İstər ailə şənliklərində, istərsə də konsert proqramlarında “Sərin” müasir avadanlıqlarla təchiz edilmiş mətbəxi və peşəkar aşpazları sayəsində dadlı, ləziz və zəngin süfrəsi ilə seçilir.
“Muğam ocağı” restoranının 180-200 nəfərlik (2 ədəd) geniş və gözəl dizayna malik Qədim Azərbaycan memarlıq üslubunda tərtib edilən “Muğam” və Avropa üslubunda hazırlanmış “Astoria” zalları müxtəlif şənlikləriniz üçün ideal məkandır. Bundan əlavə 30-40 nəfər tutumlu banket zalları, dost, ailə və yaxınlarla birlikdə istirahət etmək üçün 10 kabinet nəzərdə tutulub.
Şirkətimiz öz strategiyasını müştərilərin məmnuniyyəti üzərində qurmuş və müştərilərin məmnun qalması üçün onların arzu və istəklərini nəzərə alaraq gözəl xidmət göstərməkdədir.